विश्व सम्पदा सूचीकृत पाटन दरबार क्षेत्रय् च्वंगु भिंद्यः भिमसेन मन्दिर पुनःनिर्माणया अगुवा नाप उद्यमी कृष्णलाल महर्जनयात पितृशोक जुगु दु।

ललितपुर उद्योग वाणिज्य संघया निर्वतमान अध्यक्ष महर्जनया अबु रत्नलाल महर्जन (नायचा) आईतबाः सथय् ८ः४० बजे सानेपास्थित स्टार हस्पिटलय् मदुगु खः। ८२ दँ दुम्ह महर्जन स्वँय् समस्या जुया उपचार यायेगु झ्वलय् मदुगु खः।

मदुम्ह महर्जनया जहान लक्ष्मीमाया महर्जन, काय्पि कृष्णलाल महर्जन, सुनीललाल महर्जन, सुशील महर्जन व सुमन महर्जन व म्ह्याय्पि नानीमाया महर्जन, लक्ष्मीदेवी महर्जन, मैया महर्जनपि दी।

Categorized in राष्ट्रिय