तलेजु द्यःया दर्शन यायेत खुल्ला
रसिया श्रेष्ठ | कौलाथ्व नवमी ११४१, असोज २८ विहीबाः
दँय् छन्हू जक चालिगु हनुमानध्वाखा स्थित तलेजु भवानीया द्यगः थौं चायेकुगु दु ।
कोरोनाया हुनिं थगुने बन्द याःगु थुगु द्यगः थुगुसिइ धाःसा चायेकुगु खः । द्यगःलय् भक्तजनया सुथय्निसें म्वःम्वः जूगु दु । तलेजु भवानीयात धाःसा फूलपातीया हे दिं हनुुमानध्वाखा लायेकुुया मूलचोकय् हःगु दु ।
तलेजु भवानीयात विजयादशमीया दिं सुथय् जक मू द्यगःलय् लितयंकेगु न्ह्यथंगु दु । मूलचोकय् हे महाअष्टमीया चान्हय् कालरात्री पूजा याना ५४ म्ह दूकु व ५४म्ह म्येँया बलि तकं बिउगु दु ।
राज्य सञ्चालनया नितिं शक्ति चूलायेमा धइगु संकल्पं बुधबाः चान्हय् तान्त्रिक विधिं कालरात्रि पूजा याःगु खः ।
Categorized in राष्ट्रिय