शेयर बजाः परिसूचक नेप्से थौं मङ्गलवाः न तधःगु ल्याखं घटे जुगु दु।

म्हिगः झन्डै ७० अङ्कं घटे जुगु नेप्से थौं ७७ दशमलव ३३ अङ्कं घटे जुया २ हजार ५१० दशमलव ७३ विन्दुइ कुहावंगु दु।

थौं छु ई नेप्से १०० अङ्कय् कुहावया २५ सय विन्दुइ थ्यःगु खःसा बन्द जुगु इलय् २५ सय विन्दुइ स्वया अप्वो थ्यंगु खः। थौं दक्को समूहया शेयर घटे जूसा जलविद्युत्, विकास बैंक, बीमा, उत्पादन व माइक्रोफाइनान्स समूहया शेयर उच्च अङ्कं घटे जुग दु।

२२१ गु कम्पनीया शेयर कारोबार जुगुलि २११ गु कम्पनीया शेयर घटे जुगु दु। नेपाल हाइड्रो डेभलपर्स व नेशनल हाइड्रोपावर कम्पनीया शेयर ९ प्रतिशत स्वया अप्वो घटे जुगु खः।

समग्र बजार घटे जुगु सा माहुली सामुदायिक व मानुषी लघुवित्त कम्पनीयो शेयर ४ प्रतिशत स्वया अप्वो थहावंगु दु।

थौं ९५ लाख ७२ हजार कित्ता शेयर ३ अर्ब ७७ करोड रुपैयाँ कारोबार जुगु दु।

Categorized in राष्ट्रिय