सुदूरपश्चिम प्रदेशय् आइतबाः निसे मदिक्क वाः वःगु कारण खुसिँबाः नाप चलः वया १५ म्ह मनु सी धुकुगु दु।

सुदूरपश्चिम प्रदेश प्रहरी कार्यालय धनगढीया कथं डोटीइ गुम्ह, बैतडीइ प्यम्ह व डडेलधुराय् निम्ह सी धुकुगु दु। प्रदेश प्रहरी कार्यालयया प्रवक्ता प्रहरी वरिष्ठ उपरीक्षक बिक्रम चन्दं डोटीया जोरायल गाउँपालिका–४ य् अन्दाजी ४२ दँ दुम्ह शेरबहादुर बिक, वया काय् १८ दँ दुम्ह मोहन बिक, १३ दँ दुम्ह पवित्रा बिक व १६ दँ दुम्ह रविन बिक चलखं सीगु दु धका जानकारी बिउगु दु।

डोटीया हे जोरायल गाउँपालिका–३ या ६३ दँया जोगी सार्की, शिखर नगरपालिका–११ या ३६ दँ मन्दरा बलायर, सायल गाउँपालिका–६ मेल्लेखय् चलः वना १४ दँया सागर कुन्जेडा व १० दँया आशिष कुन्जेडा सीउगु दु धका प्रहरी वरिष्ठ उपरीक्षक चन्दं धाउगु दु।

Categorized in राष्ट्रिय