सप्तकोसी ब्यारेजय् ह्याउगु मतः च्याकल
लहनान्युज | कौलाथ्व पुन्ही ११४१, कार्तिक ३ बुधवाः
सप्तकोसी नदीइ लःया बहाव अप्वोगुलि ब्यारेजय् खतराया संकेत क्यनेवं ह्याउगु मतः च्याकूगु दु।
निरन्तर वाःवया सप्तकोसीइ लःया बहाव अप्वोया वंगुलि ह्याउगु मतः च्याकूगु खः। बुधबाः सुथय् करिब २ लाख ६१ हजार क्युसेक लःया बहाव मापन जुगु कन्ट्रोल टावरं धाउगु दु।
कोसी ब्यारेजया ५६ मध्ये ४२ गु लुँखाः चायकूगु दु। स्थानीय प्रशासनं खुसिया नदी तटीय क्षेत्र व जःखः च्वना च्वंपिन्त सतर्क जुइत सूचं जारी याउगु दु।
आः प्रदेश नम्बर–१ या पहाडी व तराई क्षेत्रय् आः न तसकं वाः वयाच्वंगु दु।
Categorized in राष्ट्रिय