लगातार निन्हु यकं तसकं घटे जुगु शेयर बजाः परिसूचक नेप्से थौं भचा थहावंगु दु।

नेप्से थौं ६० दशमलव ५६ अङ्क थहावना २ हजार ५७१ दशमलव ६६ विन्दइ थ्यःगु दु। थौं दक्को समूहया शेयर थहावःगु दु। बैंकिङ समूहया शेयर ३२ अङ्कं, विकास बैंक समूह १४१, व्यापार ९०, होटल ९२, फाइनान्स १२१ व माइक्रोफाइनान्स समूहया शेयर ९९ अङ्कं थहावंगु दु।

अथेहे जलविद्युत् समूहया शेयर १०८ अङ्क, जीवन बीमा समूह १८९ अङ्क, निर्जीवन बीमा समूह २४८, उत्पादन समूहया १२२ व मेमेगु समूहया शेयर ६३ अङ्कं थहावंगु दु। थौं २१७ गु कम्पनीया शेयर कारोबार जुगुलि १२ गु बाहेक दक्को शेयर थहावंगु दु।

दकलय् अप्वो मैलुङ खोला हाइड्रो, आँखु खोला जलविद्युत्, युनिभर्सल पावर कम्पनी, सीईडीबी हाइड्रो व नेशनल हाइड्रो कम्पनीया शेयर १० प्रतिशतं थहावंगु दु।

थौं नेप्से थहावःसा कारोबार ल्याः व रकम धासा घटे जुगु दु। ६१ लाख १ हजार कित्ता शेयर २ अर्ब ६७ करोड रुपैयाँ कारोबार जुगु दु।

Categorized in राष्ट्रिय