वंगु २४ घण्टाया दुने देयन्यक ७०८ म्हेसित कोरोना भाइरस संक्रमण पुष्टि जुगु दु।

७ हजार २५३ म्हेसिगु पीसीआर परीक्षण याउगुलि ५७४ म्ह व २ हजार १२३ म्हेसिगु एन्टिजेन परीक्षण याउगुलि १३४ म्ह याना ७०८ म्हेसित कोरोना भाइरसया संक्रमण खनेदुगु दु धका स्वास्थ्य तथा जनसंख्या मन्त्रालयं धाउगु दु।

अथेहे वंगु २४ घण्टाय् कोरोना संक्रमणं ११ म्ह सी धुकुगु दु सा ९३२ म्ह कोरोनामुक्त जुगु दु। थौं शुक्रबाः थपे जुगु नाप नेपालय् कोरोना संक्रमित जूपि ८ लाख ८ हजार ९६ म्ह थ्यःगु दु।

हथेहे आःतक नेपालय् सीपि ११ हजार ३३७ म्ह थ्यःगु दु सा ७ लाख ८५ हजार ८१३ म्ह संक्रमणमुक्त जुइ धुकुगु दु।

Categorized in राष्ट्रिय