राष्ट्रपति विद्यादेवी भण्डारीया समक्ष नेपालया लागि ब्राजिल, इटाली, माल्टा व दक्षिण अफ्रिकाया नवनियुक्त राजदूतपिन्स थःथःगु ओहोदाया प्रमाणपत्र पेश याउगु दु।

राष्ट्रपति भवन, शीतल निवासय् थौं ग्वसाः ग्वंगु विशेष समारोहय् नेपालया लागि ब्राजिलया आवासीय राजदूत कार्लोस अल्वेर्टो माइकल्सेन डेन हार्टोगसहित इटाली, माल्टा व दक्षिण अफ्रिकाया गैरआवासीय राजदूतपिन्स भिन्चेञ्जो डि लुक्का, रुबिन गाउची व जोएल सिबुसिसो एन्डेबेलेपिन्स थःथःगु ओहोदाया प्रमाणपत्र प्रस्तुत याउगु खः।

उगु ज्याझ्वलय् परराष्ट्रमन्त्री डा नारायण खड्का, प्रधानसेनापति प्रभुराम शर्मा, राष्ट्रपतिया कार्यालय व परराष्ट्र मन्त्रालयया उच्च अधिकारीपिनिगु उपस्थिति दुगु खः।

Categorized in राष्ट्रिय