न्यादी हाइड्रोपावर लिमिटेडया धितोपत्रय् प्राथमिक सार्वजनिक निष्कासन (आईपीओ) बाँडफाँड याउगु दु।

बिक्री प्रबन्धक ग्लोबल आईएमई क्यापिटलया कार्यालयं थौं शुक्रबाः आईपीओ बाँडफाँड याउगु दु। बिक्री प्रबन्धक ग्लोबल आईएमई क्यापिटलया कथं २ लाख ९ हजार २५० म्हेसित १० कित्ताया दरं सेयर प्राप्त जुगु दु। कम्पनीं आईपीआय् २२ लाख ५५ हजार ८४ आवेदकपिन्स २ करोड ७० लाख ८९ हजार १५० कित्ताया लागि आवेदन बिउगु खः।

उकि मध्ये १३ हजार ९४६ म्हेसिगु आवेदन रद्द जुगु दु धका बिक्री प्रबन्धकं धाउगु दु। २२ लाख ४१ हजार १३८ म्हेसिगु आवेदन भेरिफाइड जुगुलि आवेदकपि मध्ये गोलाप्रथापाखे २ लाख ९ हजार २५० म्हेसित १० कित्ताया दरं सेयर बाँडफाँड जुगु खः। योग्य आवेदकपि मध्ये करिब २० लाख ३२ हजार आवेदकपिनिगु ल्हाः खाली जुगु खः।

कम्पनीं वंगु असोज १५ निसे १९ गते तक सर्वसाधारणया लागि २२ करोड ५० लाख रुपैयाँ बराबरया २२ लाख ५० हजार कित्ता सेयर निष्कासनय् हःगु खः। निष्कासनय् हःगु कुल सेयरमध्ये २ प्रतिशत अर्थात् ४५ हजार कित्ता कर्मचारीपिन्त व ५ प्रतिशत अर्थात् १ लाख १२ हजार ५०० कित्ता सामूहिक लगानी कोषयात छुटे यागु खःसा बाँकी ल्यः दुगु २० लाख ९२ हजार ५०० कित्ता सेयर जक सर्वसाधारणयात बिक्री याउगु खः।

Categorized in राष्ट्रिय