प्रमुख प्रतिपक्षी दल नेकपा एमालेया अध्यक्ष नाप पूर्वप्रधानमन्त्री केपी शर्मा ओलीं बाढीपहिरो पीडित नागरिकपिन्त तत्काल राहतया व्यवस्था यायेत सरकारयात माग याउगु दु।

अध्यक्ष ओलीं बेमौसं वा नाप चलः वया सीपिनिगु प्रति श्रद्धाञ्जली अर्पण यासे घाइते जुपिन्त भिं उसाँय्या कामना याउगु दु। शनिबाः पार्टीया वडा अधिवेशनय् भर्चुअलरुपं उलेज्या यानादीेगु खः।

वंगु कात्तिक १ निसे तसक वाः वया बाढीपहिरां तधःगु जनधनया क्षति याउगु खः। क्षतिया विवरण अझ न वये ल्यदनीइ।

थीथी कारणं थौं जुइ मफुगु वडा अधिवेशन याकन हे सम्पन्न यायेत सम्बन्धित कमिटीयात अध्यक्ष ओलीं निर्देशन बिउगु खः।

Categorized in राष्ट्रिय