म्यानमारया अभियन्तायात ज्वन
कौलागा पंचमी ११४१, कार्तिक ८ सोमवाः
म्यानमारय् बिद्यार्थी आन्दोलनया झ्वलय् चर्चाय् वःम्ह अभियन्ता को जिमीयात ज्वंगु दु ।
म्यानमारय् सन् १९८८ निसें चर्चाय् दुम्ह वय्कःयात लिपांगु इलय् सेना बिरोधी आन्दोलन तच्वयेकूगु द्वपनय् ज्वंगु खः । म्यानमारया उत्तरी दागोनय् नं वय्कःयात सेनां घेरा तयाः ज्वंगु खः ।
वय्कः च्वनाच्वंगु थासय् सेनां घेरा तयेधुंकाः ल्यूनेया ब्वं बिस्युंवनेत स्वःबलय् सेनां ज्यादती यानाः नियन्त्रणय् काःगु वय्कःया पारिवारिक श्रोतं धाःगु दु । बिद्यार्थी आन्दोलनयाि झ्वलय् वय्कः सन् २००७ निसें सन् २०१२ तक्क जेलजीवन हंम्ह अभियन्ता खः ।
लिपांगु इलय् वय्कलं म्यानमारय् सैनिक बिरुद्ध आन्दोलन तच्वयेकेत थीथी योजना दयेकूगु द्वपं सेनां ब्यूगु दु ।
Categorized in अन्तर्राष्ट्रिय