नेकपा (एमाले) या झीक्वःगु राष्ट्रिय महाधिवेशन अन्तर्गत थौं देयन्यक पालिका अधिवेशन जुइत्यंगु दु।

पूर्वनिर्धारित कार्यतालिका कथं थौं देयन्यक गाउँपालिका व नगरपालिकाया अधिवेशन जुइत्यंगु खः। अधिवेशन न्हिनसिया १ बजे पार्टी अध्यक्ष केपी शर्मा ओलीं थापाथलिया पार्टी कार्यालयपाखे भर्चुअल माध्यमपाखे उलेज्या यायेत्यंगु खः।

एमाले न थ्व स्वया न्ह्यः हे कात्तिक ६ गते वडा व ९ गते पालिका अधिवेशन यायेगु निर्णय याउगु खः। उगु कथं हे ६ गते वडा अधिवेशन सम्पन्न जुइ धुकुगु दु।

अधिवेशनं अध्यक्ष, उपाध्यक्ष व सचिव छम्ह छम्ह, उपसचिव निम्ह नाप महानगरपालिका १०१, उपमहानगरपालिकाय् ८५ व नगरपालिका व गाउँपालिकाय् ७५ सदस्यीय कमिटी ल्ययेत्यःगु दु।

Categorized in राष्ट्रिय