वंगु २४ घण्टाया दुने देयन्यक ६६६ म्हेसित कोरोना भाइरस संक्रमण पुष्टि जुगु दु।

देयन्यक ९ हजार ७७१ म्हेसिगु पीसीआर परीक्षण यागुलि ५६९ म्ह व २ हजार २४९ म्हेसिगु एन्टिजेन परीक्षण यागुलि ९७ म्ह याना ६६६ म्हेसित कोरोना भाइरस संक्रमण खनेदुगु धका स्वास्थ्य तथा जनसंख्या मन्त्रालयं धाउगु दु।

अथेहे २४ घण्टाया दुने कोरोना संक्रमणं ११ म्ह सीउगु दु सा ६२२ म्ह कोरोनामुक्त जुगु दु। मंगलबाः थपे जुगु नाप आःतक नेपालय् कोरोना संक्रमित जूपि ८ लाख १० हजार २९८ म्ह थ्यःगु दु।

अथेहे ११ हजार ३७२ म्ह सी धुकुगु दु सा ७ लाख ८८ हजार ६३० म्ह संक्रमणमुक्त जुइ धुकुगु दु।

Categorized in राष्ट्रिय