प्रधानमन्त्री केपी शर्मा ओलीं निर्धारित मितिइ हे प्रतिनिधि सभाया निर्वाचन जुइ धका धयादीगु दु।

शनिवाः येँ राष्ट्रिय युवा संघया ग्वसालय् जुगु ज्याझ्वलय् कार्यकर्ता भेलाय् सम्बोधन यानादीसे प्रधानमन्त्री ओलीं वइगु दँय् बैशाख १७ गते व २७ गते हे निर्वाचन जुइ धका धयादीगु दु । छन्हु हे दिं उखे थुखे मयासे निर्वाचन जुइ वयकलं कार्यकर्तापिन्त निर्वाचनया वातावरण सिर्जना यायेत इनाप यानादीगु खः।

प्रधानमन्त्री ओलीं थः लोकतन्त्र स्यकिइम्ह धइगु आरोप बियाच्वंसा लोकतन्त्र जोगे यायेत जेलनेल भोगे याना वयाम्ह खःनिर्धारित मितिइ हे निर्वाचन याकेगु प्रतिवद्धता व्यक्त यानादीगु दु। प्रधानमन्त्रीं प्रतिनिधि सभा विघटन संवैधानिक जुगु दु धका न स्पष्ट यानादीगु दु।

सर्वोच्च अदालतयात सडकपाखे प्रभावित यायेगु स्वया च्वंगु दु धका धयादीसे वयकलं स्वतन्त्र न्यायपालिकायो कदर यायेमाः धका धयादीगु दु।

Categorized in राजनीति