ओली पुचःया थौं च्वनीगु धयातःगु स्थायी कमिटीया मुँज्या लिछ्याःत
लहनान्युज | सिल्लाथ्व त्रयोदशी ११४१, फागुन १३ बिहीवाः
ओली पुचःया थौं च्वनीगु धयातःगु स्थायी कमिटीया मुँज्या लिछ्याःगु
नेपाल कम्युनिष्ट पार्टी नेकपा ओली पुचःया थौं च्वनीगु धयातःगु स्थायी कमिटीया मुँज्या लिछ्याःगु दु ।
प्रधानमन्त्री निवास बालुवाटारय् थौंया नितिं सःतातःगु मुँज्या मजुइगु धागु दु ।
म्हिगःया मुँज्यां सर्वोच्चं याःगु प्रतिनिधिसभा पुनस्र्थापनायात लसकुस यायेगु अले केन्द्रीय समिति व संसदीय दलया मुँज्या सःतेगु धयातःगु खः ।
हिलाःच्वंगु परिस्थितिबारे मेमेगु राजनीतिक दलनाप खँल्हाबल्हा यायेगु बारे स्थायी कमिटीइ सहलह जूगु खः ।
प्रधानमन्त्री ओलीया प्रेस सल्लाहकार सूर्य थापां गृहकार्य मगाःनीगु जुयाः स्थायी कमिटीया मुँज्या लिछ्याःगु जानकारी बियादीगु दु ।
Categorized in राजनीति
