२०७८ बैशाख १, बुधबार

माओवादी केन्द्रं बियातःगु समर्थन लित काःसा राजीनमा बीगु प्रधानमन्त्री केपी ओलीया उद्घोष

चिल्लागा सप्तमी ११४१, चैत्र २२ गते आइतबाः

माओवादी केन्द्रं सरकारयात बियातःगु समर्थन लित काःसा थःम्हं राजीनमा बीगु प्रधानमन्त्री केपी शर्मा ओलीं उद्घोष यानादीगु दु ।
 
म्हिगः प्रधानमन्त्री निवास बालुवाटारं देय्न्यंकंया सछि व ६५गु सडक सञ्जालयात शिलान्यास यानाः वय्कलं थःगु राजीनामा फ्वनीपिन्त दकले न्हापां समर्थन लित कयाः क्यनेत हाथ्या बियादिल । हरेक दिं थःगु राजीनामाया खँ जूगु धासें प्रधानमन्त्री ओलीें समर्थन लित कायेत धयादीगु खः ।
 
प्रधानमन्त्री ओलीं लोकतन्त्रय् आवधिक निर्वाचन स्वभाविक जूगु धासें चुनावय् मवःसें देय् मन्ह्याइगु न धयादिल । सरकार, देय्या आवश्यकता, जनताया आकांक्षा, अंकगणितया नितिं त्वःतेगु कि देय् व जनताया नितिं अंकगणित हे हिलेगु धकाः न्ह्यसः छुनादिल । थ्व खँ जनतां फैसला यायेमाःगु विषय जूग्ु वय्कया धापू दु ।
 
प्रधानमन्त्री ओलीं सञ्चार माध्यमं राजीनामाया बुखँयात प्राथमिकता ब्यूगु तर सरकारं याःगु विकास निर्माणया ज्यायात उल्लेख मयाःगुप्रति असन्तुष्टि क्यनादिल ।
 
प्रधानमन्त्री ओलीें ५७गु अर्ब १०गु कोतीया लागतय् स्वदँदुने सडक दयेके धुंकेगु लक्ष्य दुगु धयादिल ।
Categorized in राजनीति