सिनेमा हल थौंनिसें चाइगु
डंगोल | पोहेलाथ्व पारु ११४१, माघ १ बिहीवाः
कोभिडया हुनिं १०ला निसें बन्द जुयावयाच्वंगु संकिपा ख्यः आः धासा पूवंके हे चायेकिगू जूगु दु ।
कोभिडया हुनिं हल थुवा लिसें थ्वः ख्यःलय् आश्रित ज्याकःमिपिं यक्वः हे मारय् लानाच्वंगु खः ।
आः धासा थ्वः ख्यलय् जायाच्वंपिन्त संकिपा उद्योग बुलुंहु न्ह्यानावनिगु भलसाः ब्वलनावःगु दु ।
विहीबाः निसें हल पूर्ण रुपं हल चायेकेगु सरकारं क्वज्यूगु खः । थुकिया सुरुवात नायक शिव श्रेष्ठं दयेकूगु संकिपा “एउटा यस्तो प्रेम कहानी” नं याई ।
सरकारं संकिपा उद्योगयात म्वाकातयेत थीथी शिर्षकय् आर्थिक ग्वःहालि याय्गु जुईधुंका संकिपा ख्यः न्ह्याःगु खः ।
नेपाः सरकारया थ्व पलाःखँ दक्वसित म्वाय्गु आधार दूगु धासें निर्माता संघं सुभाय् देछागु दु ।
नेपाल सरकारं स्वास्थ्य सावधानी अपनेयाना दक्व गतिविधि न्ह्याकेत अनुमति ब्यूगु खः ।
संघया आकाश अधिकारीं नेपाल सरकारं बिमा, भिपिसी कस्ट, इन्कोडिग कस्ट, प्रचार प्रसार लिसें पब्लिसिटिइ आर्थिक अनुदान बिइगु धाःगु दु ।
संकिपाः निर्माण छायांकनयात छगू परियोजना दयेका छगू क्वःति ५०गू लखतक्कया बिमा यायेगु व बिमाया प्रिमियमया धेबाः नेपाल सरकारं पुलाबिइगु क्वज्यूगु नं नायः अधिकारीं धयादिल ।
थ्वथेंजाःगु सरकारया ग्वःहालिं संकिपाः ख्यः याकनं न्ह्यानावनिगु लकस दूगु नायः अधिकारीं धयादिल ।
अथेहे मौद्रिक नीतिं उजं जूगु तसकं प्रभावित क्षेत्रयात बिइगु धाःगु सहुलियत कर्जा व अनुदान कार्यान्वयनय् हयेत नं सरकारयाके माग यानागू नायः अध्यक्ष अधिकारीले धयादिल ।
