हि कुनीगु खतरा अप्वयेकीगु छुं हे छुमा क्यंगु मदु : अक्सफर्ड–आस्ट्राजेनेका
आस्ट्राजेनेका
युरोपेली युनियनया वासः नियामक निकायं अक्सफर्ड–आस्ट्राजेनेका खोपं मनूतय्के हि कुनीगु खतरा अप्वयेकीगु छुं हे छुमा मक्यंगु न्ह्यथंगु दु ।
अज्याःगु खतराया जोखिमस्तर खोप काःपिं व मकाःपिं मनूतय्के नं उत्तिकं हे दुगु वं धाःगु दु । डेनमार्क अले नर्वेलिसें गुलिखे देशं उगु खोपया छ्यला स्थगित यायेधुंकाः उगु निकायं स्पष्टीकरण ब्यूगु खः ।
डेनमार्क व नर्वेय् म्ह्वः ल्याःया मनूतय्सं खोप कायेधुंकाः हि कुंगु विवरण वःगु खः । व धुंकाः खोप वितरण स्थगित याःगु खः ।
आस्ट्राजेनेका कम्पनीं ५० लख युरोपेलीतय्त खोप ब्यूबलय् ३०म्हेसिके जक अज्याःगु समस्या खनेदुगु धासें व खोपं ब्वलंगु समस्या मखूगु धाःगु दु । कम्पनीं खोपया सुरक्षाबारे क्लिनिकल परीक्षणया इलय् दुग्यंगु अध्ययन जूगु प्रतिक्रिया नं ब्यूगु दु ।
Categorized in अन्तर्राष्ट्रिय
