पाकिस्तानय् बलात्कारया द्वपं लाःपिं निम्हेसित मृत्युदण्डया सजायँ न्यंकल
चिल्लाथ्व नवमी, ११४१, चैत्र ८ आइतबाः
पाकिस्तानया छगू अदालतं बलात्कारया द्वपं लाःपिं निम्हेसित मृत्युदण्डया सजायँ न्यंकूगु दु ।
लाहोरया पूर्वी शहरस्थित छगू विशेष अदालतं अविद मेहली व शाफ्कत अली नांया निम्ह मिजंतय्त फ्रेन्च मुलया पाकिस्तानी मिसायात बलात्कार याःगु द्वपनय् मृत्युदण्डया सजायँ न्यंकूगु खः ।
चान्हसिया इलय् पेट्रोल मालाजूम्ह उम्ह मिसायात उमिसं निम्ह मचाया न्ह्यःने बलात्कार यानाः लुटपाट तकं याःगु खः । सन् २०२० या डिसेम्बर ९ तारीखय् जूगु घटनायात कयाः पाकिस्तानय् तच्वःगु विरोध जूगु खः ।
ब्वज्याय् कुहांवःपिन्सं पीडितयात न्याय व देशय् महिला सुरक्षाया माग याःगु खः । पाकिस्तानय् वंगु डिसेम्बरय् जक बलात्कारविरुद्धया न्हूगु कानुन पास जूगु खः ।
Categorized in अन्तर्राष्ट्रिय
