प्रतिनिधिसभाया बैठक फागुन २३ गते आह्वान
शोभा श्रेष्ठ | सिल्लागा द्धितीया ११४१, फागुन १७ सोमवाः
राष्ट्रपति विद्यादेवी भण्डारीेंं फागुन २३ गते न्हिनसिया ४ बजेया लागि प्रतिनिधिसभाया अधिवेशन आह्वान यानादीगु दु। शुक्रवाः च्वंगु मन्त्रिपरिषदया बैठकं फागुन २३ गते अधिवेशन सःत्यगु लागिा राष्ट्रपतिसमक्ष सिफारिस याःगु खः ।
वःगु पुस ५ गते मन्त्रिपरिषदया सिफारिसय् राष्ट्रपति भण्डारीं प्रतिनिधिसभा विघटन याःगु खः। तर फागुन ११ गते सर्वोच्च अदालतं संसद विघटन बदर यासे १३ दिं दुने बैठक सःत्यत आदेश बिःगु खः। सर्वोच्चं आदेश बिःगु कथं १३ दिं दुने संसद अधिवेशन आह्वान याये माःगु खः ।
संसद बैठक सञ्चालनया लागि संसद सचिवालयं तयारी पूरा याये धुकुगु दु । सरकारं चालु आर्थिक वर्षया नीति तथा कार्यक्रम व बजेट पारित जुइवं वःगु असार १८ गते संसद अधिवेशन अन्त्य याःगु खः । प्रतिनिधिसभाया वर्षे अधिवेशन अन्त्य जुगु ८ महिना लिपा मेगु अधिवेशन सुरु यायेत्यःगु खः ।
