नेकपा (प्रचण्ड–माधव समूह) या केन्द्रीय समिति बैठक थौं च्वने त्यःगु दु ।

बैठक थौं सिथय् ११ बजे पार्टी कार्यालय पेरिसडाँडाय् च्वनेत्यःगु दु। बैठकय् समसामयिक विषयय् छलफल जुइ धका छम्ह स्थायी कमिटी सदस्यं धाःगु दु । प्रचण्ड–माधव समूह वःगु पुस ५ गते विघटित संसद् पुनःस्थापना जुइ माःगु व निर्वाचन आयोगं थःगु समूहयात वैधानिकता बिइ माःगु अडानय् दु। संसद विघटनया विरोधय् देयन्यक आन्दोलनया ज्याझ्वः याना वयाच्वंगु खः ।

बुटवल, विराटनगर व धनगढीइ प्रदेशस्तरीय विरोधसभा याये धुकुगु थुगु समूह न माघ २८ गते येँ हाकन विरोधसभा यायेगु तयारी यायेत्यःगु खः। थ्व स्वया न्ह्यः पुस ७–९ य् प्रचण्ड–माधव समूहया केन्द्रीय समिति बैठक च्वंगु खः।

वया लिपा च्वंगु स्थायी कमिटी बैठकं प्रधानमन्त्री तक जुयादीम्ह नेकपा अध्यक्ष केपी शर्मा ओलीयात पार्टीया साधारण सदस्य तक मदेय्का हटे यायेगु निर्णय याःगु खः ।

Categorized in राजनीति