१०म्ह पेट्रोलियम तस्करपिन्त ज्वन
लहनान्यूज | चिल्लागा त्रयोदशी ११४१, चैत्र २७ गते शुक्रबाः
पर्साय् पेट्रोलियम ज्वलंया तस्करी याःपिं १०म्हेसित ज्वंगु दु । जिल्लाया ग्रामिण क्षेत्रं पेट्रोलियम पदार्थया तस्करी याःपिं १०म्ह ज्वंगु खः ।
ज्वंपिलय् स्वम्ह भारतीय जूगु जिल्ला प्रहरी ज्याकू पर्सां न्ह्यथंगु दु ।
सीमा क्षेत्रया पेट्रोलियम पम्पं ग्यालेनय् जायेका तेल छ्वय्गु व भारतीय नम्बर प्लेटया सवारीसाधनय् अप्वः चिकं तयाछ्वयेगु याःगु धाःगु दु ।
भारतय् सिबें नेपालय् डिजेल व पेट्रोलया भाःलय् म्हो जूगुलिं तस्करी जुयाच्वंगु दु ।
