प्रधानमन्त्री कप क्रिकेटय् गण्डकी व बागमती त्यात
डंगोल | पोहेलाथ्व पंचमी ११४१, माघ ५ सोमवाः
प्रधानमन्त्री कप पुरुष राष्ट्रिय धेँधेँबल्ला अन्तर्गत थौं किपू ख्यःलय् क्वचाःगु कासाय् वागमतीं सदूरपश्चिमयात १८०गू रनं त्याकूगु दु ।
किपू क्रिकेट ख्यःलय् टस बुया ब्याटिङ याःगु वागमतीं क्वछिनातःगु ५०गू ओभरय् ९गू विकेट छ्वया २९९ रन दयेकूगु खः ।
बाँलाक्क ब्याटिङ याःगु वागमतीय पृथु बास्कोटां दक्वले अप्व ८४गू रन दयेकल धासा आदिल खानं ६३गू रन दयेकूगु खः ।
अथेहे कप्तान ज्ञानेन्द्र मल्ल व बिपिन आचार्यं समान ३२ रन तसेंलि पारस खड्कां २० रन दयेकूगु खः।
बलिङपाखे सुदूरपश्चिमया नारायण जोशीं ३ विकेट काबलये भोजराज भट्ट व सन्तोष भट्टं २गू २गू विकेट काःगु खः ।
अथेहे बिनोद लामा १गू विकेट कालः ।
निगू कासा म्हितुगु बागमतीया थ्वः निक्वःगु जित खः धासा सुदूरपश्चिम न्हापांगु धेँधेँबल्लाखय् हे बुइमाःगु खः ।
उखे समूह ‘ए’ या कासाय् गण्डकी प्रदेशं, प्रदेश १ यात बुकूगु दु । मुलपानी क्रिकेट ख्यःलय् क्वचाःगु कासाय् गण्डकीं प्रदेश १ यात २ विकेटं त्याकल ।
टस त्याका ब्याटिङ याःगु प्रदेश १, २७ फुति ४गू ओभरय् दक्व विकेट छ्वया १०३ रन जक दयेकेत ताःलागू खः ।
कासाय् गण्डकीया सुवास भण्डारी व विशाल पौडेलं ४गू ४गू विकेट काःगु खः ।
गण्डकीं ३७गू ओभरय् ८गू विकेट छ्वया हाथ्या पूवंकूगु खः । गण्डकी लागि ल्याम्ह कासामी अर्जुन कुमाल व दीपक डुम्रें ३५ रन काःगु खः ।
अभिशेक थापां अभिजित १३ रन तंंगू खः ।
थौंया कासाय् त्याकुसेंलि निगू कासा म्हितुगु गण्डकी प्रदेशया थ्व न्हापांगु जित खः ।
अथेहे २गू कासा म्हितुगु प्रदेश १ या २गू कासा हे बुइमाःगु खः ।
Categorized in कासा