कर्णाली व लुम्बिनी प्रदेशयात न्हापांगु जीत
डंगोल | पोहेलाथ्व षष्ठी ११४१, माघ ६ मंगलवाः
येँ न्ह्यानाच्वंगु प्रधानमन्त्री कप छगू दिवसीय पुरुष क्रिकेट धेँधेँबल्लाखय् कर्णाली प्रदेशं न्हापांखखुसी त्याकेत ताःलागू दु ।
मूलपानी क्रिकेट ख्यःलय गण्डकी प्रदेशयात ५गू विकेटं बुका कर्णालीं न्हापांगु जित पिकाःगु खः ।
गण्डकीं बिउगु निसः व ५गू हाथ्या कर्णालीं ३६गू ओभर ५गः बलय् ५गू विकेटया फुका पूवंकूगु खः ।
म्यान अफ द म्याच हिमांशु शाहीं ६०गू बलय् अविजित ६८गू व विपिन रावलं ४५गः बलय् ४९गू रन दयेकल । विपिन खत्रीं ४गू विकेट काल ।
थ्वसिबेंन्ह्यः टस त्याका ब्याटिङ याःगु गण्डकीं ४२गू ओभरय् ३ग बलय् अलआउट जुया निसः व ४गू रन दयेकूगु खः ।
उखे लुम्बिनी प्रदेशं नं विजयी सुरुवात याःगु दु । किपूया ख्यःलय् जूगु लुम्बिनीं प्रदेश–२ यात ७७गू रनं बुकूगु खः ।
लुम्बिनीं बिउगु निसः व ५८गू रनया हाथ्या प्रदेश–२ नं ४२गू ओभर ४ बलय् अलआउट जुया सच्५ि व ८०गू रन जनक दयेकेफत ।
विवेक यादवं ५१गू रन दयेकूगु इनिङ्सयात अनिल खरेलं ४गू व बिक्रम भुषाल व दिपेन्द्र रावतं २गू–२ू विकेट काल ।
न्हापां ब्याटिङ याःगु लुम्बिनीं ९गू विकेट छ्वया निसः व ५७गू रन दयेकूगु खः । म्यान अफ द म्याच सन्दीप रजालीं ८३गू लिसें सौरभ खनालं ५६ रन दयेकूगु खः ।
