दाहाल–नेपाल पुचलं प्रधानमन्त्री ओलीयाके स्पष्टीकरण काइगु
डंगोल | पोहेलाथ्व षष्ठी ११४१, माघ ६ मंगलवाः
नेकपाया दाहाल–नेपाल पुचलं प्रधानमन्त्री केपी शर्मा ओलीयात स्वन्हुया स्पष्टीकरण न्यंगु दु ।
माघ २ गते च्वंगु उगु पुचःया स्थायी कमिटी मुँज्यां ओलीयात पार्टी दुजलं छाय् लिमकायेगु धकाः स्पष्टीकरण न्यनेगु निर्णय याःगु खः ।
व हे निर्णय कथं स्पष्टीकरण न्यनातःगु पौ बीत स्थायी कमिटी दुजः सुरेन्द्र पाण्डे, मुकुन्द न्यौपाने व ज्याकू छ्यान्जे श्रीराम ढकाल बालुवाटार थ्यंगु खः ।
पतिइ ओलीयात कारबाही यायेगुया कारणबारे न्यनातःगु व स्वन्हु दुने लुधनेबहःगु लिसः मवःसा साधारण दुजः तकं मच्वनीगु कथं कारवाही जुइगु च्वयातःगु धाःगु दु ।
पुस ५ गते प्रतिनिधिसभा विघटन याःगुलिसें दाहाल–नेपाल पक्षीय स्थायी कमिटी मुँज्यां ओलीयात पार्टी नायःपाखें चीकेत केन्द्रीय कमिटीयात सिफारिस याःगु खः ।
पुस ७ गते च्वंगु उगु पुचःया केन्द्रीय कमिटी मुँज्यां प्रधानमन्त्री ओलीयात नायः पदं चीकूगु खः ।
Categorized in राजनीति
