प्रधानमन्त्री केपी शर्मा ओलीं थःत शारीरिक हमला जुइफु धका धयादीगु दु।

पोखराया गण्डकी प्रदेशस्तरीय कार्यकर्ता भेलाय् थौं सम्बोधन यानादीसे नेकपा ओली समूहया अध्यक्ष ओलीं थःत न्ह्यागु कथं न प्रहार जुइफु धका धयादीगु खः।

‘दक्को कथं जितः प्रहार जुगु दु, अथेहे शारीरिक हमला जुसा ज्यान च्वय्क्वय् जुसा अज्जु चायेम्वाः,’ धका वयकलं धयादीगु खः। वयकलं थः मदुसा पार्टीया भविष्य अन्धकारय् मछ्वयेत कार्यकर्तापिन्त इनाप यानादीगु खः ।

प्रधानमन्त्री ओलीं धयादीगु दु, ‘जि मदुसा छु मदु, पार्टी दु । आन्दोलन दु । देश दयेकेगु पार्टीया भविष्य अन्धकारय् यके मज्यु।’ प्रधानमन्त्री ओलीं हरेक परिस्थितिया सामना याना वनेगु धका धयादीगु दु।

Categorized in राजनीति