नेपाल प्रहरीया ११ म्ह प्रहरी उपरीक्षक (एसपी) यात प्रहरी वरिष्ठ उपरीक्षक (एसएसपी) य् बढुवा यायेगु सिफारिस याःगु दु। बुधवाः न्हिनय् च्वंगु बढुवा समितिया बैठक लिपा गृह मन्त्रालययात बढुवा सिफारिस याःगु दु ।

प्रहरी प्रधान कार्यालय, नक्सालं प्रकाशन याःगु धलः कथं कृष्णकुमार महत, गोविन्दकुमार शाह, उमाशंकर पञ्जियार, अर्जुन चन्द ठकुरी, जनकराज पाण्डेय, सुरेन्द्रप्रसाद मैनाली, कृष्णहरि शर्मा पोखरेल, चक्रबहादुर सिंह, दिल्लीराज पन्त, मधुसुधन लुइँटेल व मोहनप्रसाद पोखरेलयात एसएसपीइ बढुवा यायेगु सिफारिस याःगु दु।

उकि मध्ये शाह, पञ्जियार व पाण्डेय एआईजी विश्वराज पोखरेलया ब्याचयापि खः। बढुवा सिफारिसय् मेमेपि न थ्व स्वया न्ह्यः अधिकृतया बढुवाय् छुटे जूपि एसपीपि खः। गृहया सिफारिस लिपा मन्त्रिपरिषदं छवाः लिपा यायेग निर्णय याइ ।

Categorized in राष्ट्रिय