अमेरिकी राजदूत बेरीया राजनीतिक नापलायेज्या तच्वःल
पोहेलाथ्व त्रयोदशी ११४१, माघ १३ मंगलवाः
नेपाःया नितिं अमेरिकी राजदूत ¥याण्डी बेरीया सक्रियता अप्वःगु दु । जो बाइडेन अमेरिकी राष्ट्रपति जूगुनाप राजदूत बेरीं नेपाःया प्रधानमन्त्रीनाप थीथी दलया नेतात नापलाःगु खनेदु ।
थ्वहेदथुइ राजदूत बेरीं म्हिगः नेकपाया नायः पुष्पकमल दाहाल प्रचण्ड व प्रमुख पतिपक्षी दलया नेता शेरबहादुर देउवा नापलाःगु दु । नापलायेज्याय् वय्कपिंदथुइ बाइडेन प्रशासनया विश्वव्यापी प्राथमिकता, लोकतन्त्रया सबलीकरण, जलवायु परिवर्तन, मिसा व मस्तय्गु अधिकार प्रवर्द्धननापया विषयस खँ जूगु नेपालय्च्वंगु अमेरिकी दूतावासं धागु दु ।
प्रचण्ड नापलाःगु सन्दर्भय् राजदूत बेरीं बाइडेन प्रशासनया प्राथमिकताबारे सहलह यानादीगु खः । जलवायु परिवर्तननापया संघर्ष, मिसा व मस्तय्गु अधिकार प्रवद्र्धनय् अमेरिकी प्रतिवद्धतानापया विषयस न खँ जूगु खः ।
थ्वसिवे न्ह्यः बिहीवाः प्रधानमन्त्री केपी शर्मा ओलीयात राजदूत बेरीं नापलाःगु खः ।
Categorized in राष्ट्रिय
