संसद पुनस्र्थापना जूगु हसनाय् प्रचण्ड–माधव पुचलं पिकाल विजय जुलुस
लहनान्यूज | सिल्लाथ्व द्धादशी ११४१, फागुन १२ बुधवाः
संसद पुनस्र्थापना जूगु हसनाय् नेकपा प्रचण्ड–माधव पुचलं येँ विजय जुलुस पिकाल ।
येँया थीथी थासं पिहाँवःगु जुलुस शान्तिवाटीकाय् थ्यना सभाय् ह्यूगु खः । सभायात नाय्द्वय् प्रचण्ड व माधव नेपालं सम्बोधन यानादिल ।
विजय जुलुसय् ब्वःति दुपिन्सं न्ह्याउँगु सिन्ह तिना सूर्य व हँसिया हथौडा ज्वना लोकतन्त्र जिन्वाद, केपी ओली बाईबाई थें जाःगु नाराया सः थ्वयेकूगु खः ।
संसद विघटनया विरोधय् न्हापां क्वजिनातःगु विरोध ज्याझ्वःयात प्रचण्ड माधव पुचलं बुधबाः विजय जुलुसय् ह्यूकूगु खः ।
उगु पुचलं देय्यंक विजय जुलुस पितकायेत क्वेया कमिटीपिन्त निर्देशन बिउगु खः ।
येँया ज्याझ्वःलय् ब्वति कायेत प्रचण्ड व माधव नेपाल चितवनया सभायात सम्बोधन हे मयासे येँ लिहाँझाःगु खः ।
