नेकपा प्रचण्ड–माधव समूहया अध्यक्ष पुष्पकमल दाहाल प्रचण्डं नेकपाया आधिकारिकता विवादय् खेलाँची मयायेत निर्वाचन आयोगयात चेतावनी बिःगु दु।

संवैधानिक निकाय नं गलत याःगुलि देशं दुःख फयेमाःगु दु धका धयादीगु दु । प्रधानमन्त्री केपी शर्मा ओली न ख्याना आयोगं बालागु लक्षण मक्यःगु धाःसे वयलक स्वीन्हु हदम्याद काइते तर्क जक खः धका धयादीगु खः । प्रतिनिधिसभा विघटनया विरोधय् थौं बुधवाः येँ ग्वसाः ग्वःगु जनसभायात सम्बोधन यासे अध्यक्ष प्रचण्ड अथे धउादीगु खः।

तर सहभागीपिनिगु हुटिङ लिपा उत्साहित जुया वयकलं ‘७० प्रतिशत जिमिके दु’ धका वनेगु इलय् विवाद सुरु जुगु झीन्हु हे मदुनि धका धयादीगु खः । वयकल चेतावनी बियालिसे, ‘याउक जुइ मस्व सा ज्यु  । नेपाली जनतायात हेप्पे यायेगु गल्ती सुयान मयासा ज्यु ।’ संवैधानिक निकायय् थ्यपिन्स खेलाँची यागुलि देश व जनतां दुःख फयेमालि प्रचण्डं चेतावनी बिःगु दु।

थःम्हेसिया न्ववाय्गु इलय् अदालतया अवहेलना जुसा धयाच्वनागु दु धका धाःसे प्रचण्डं धयादीगु दु, ‘जिं गुवलय् न अपमान यानागु मदु। अदालतप्रति भरोसा दु, याकन यानबिउसा ज्यु । यायेगु थ्व हे खः, याकन याना बिउ । निर्वाचन आयोगं टुटीइ खाके मते, काइतेया लिउने वने मते।’ संवैधानिक निकायपिन्स ग्यायेगु व धाक धम्की स्वयेमते, स्वतन्त्र ढंगं ज्या याः धका धयादीगु दु ।

प्रचण्डं प्रधानमन्त्री ओलीयात मेगु पटक हाकन १० लाख जनता ज्वना वया बालुवाटार व सिंहरदबार घेरे याये वय म्वालेमाः धका चेतावनी बियादीगु दु।

Categorized in राजनीति