२०८० चैत्र १६, शुक्रबार

राष्ट्रपति निर्वाचनय् रुसं ट्रम्पयात ग्वहालि याःगु गुप्तचर निकायया दावी

चौलाथ्व चतुर्थी ११४१, चैत्र ४ बुधवाः

रुसी राष्ट्रपति भ्लादिमीर पुटिनयात थगुनेया अमेरिकी राष्ट्रपति निर्वाचनय् पूर्व राष्ट्रपति डोनाल्ड ट्रम्पयात ग्वहालि याःगु द्वपं लाःगु दु ।
 
थौं कन्हय् प्रकाशित जूगु अमेरिकी गुप्तचर निकायया  प्रतिवेदन कथं राष्ट्रपतिइ निर्वाचत जो वाइडेनविरुद्ध मखूगु प्रचारय् रुसं ग्वहालि याःगु उल्लेख दु । तर छुं नं लिपांगु चुनावी लिच्वःया खँय् धाःसा रुसं छुं तथ्य तोडमोड मयाःगु धाःगु बीबीसीं उल्लेख याःगु दु । तर रसियां अमेरिकी निर्वाचनय् हस्तक्षेप याःगु द्वपंया तक्वःमछि खण्डन यानावःगु दु ।
 
१५पाना ताहाकःगु उगु प्रतिवदेनय् थगुनेया निर्वाचनय् रसिया व इरानं बाइडेनविरुद्ध मखूगु प्रचार याःगु उल्लेख यानातःगु दु । अमेरिकी कानुनय् निर्वाचन प्रयोजनया नितिं विदेशी निकाय वा मनूलिसे न्ह्याथेज्यागु कथंया  ग्वहालि कायेगु गैरकानुनी नालातःगु दु । थुखे रुसी गुप्तचर निकायं धाःसा उगु प्रतिवेदनया खण्डन याःगु दु ।
 
अमेरिकी गुप्तचर निकायं सन् २०१६ या निर्वाचनय् नं तत्कालीन प्रतिष्पर्धी हिलारी क्लिन्टनया चुनावी दौड कमजोर यायेत रुसं भूमिका म्हितूगु प्रतिवेदन सार्वजनिक जूगु खः  ।
 
बहुसंख्यक महत्वपूर्ण पूर्वाधार क्षेत्रयात ताके याना रुस व इरानी अभियानं निर्वाचन प्रभावित यायेगु ज्यापहः याःगु  प्रतिवदेनं द्वपं बिउगु खः । 
Categorized in अन्तर्राष्ट्रिय