२०७८ बैशाख १, बुधबार

पुटिनं २०३६ तक्क सत्ताय् च्वनाच्वनेगु नियमय् ल्हाचिं तल

लहानान्युज | चिल्लागा नवमी ११४१,चैत्र २४ मंगलवाः

रुसया राष्ट्रपति भ्लादिमीर पुटिनं थःगु कार्यकाल ताहाक यायेफइगु कानूनय् ल्हाचिं तयादीगु दु ।
 
सन् २०२४ य् थःगु कार्यकाल क्वचाइगु जूसा नं थःगु कार्यकाल पुटिनं २०३६ तक्क सत्ताय् च्वनेफइगु कानूनी व्यवस्था यानादीगु खः । न्हूगु कानून जारी जुइधुंका थःगु कार्यकाल क्वचागु ६ दँ तक्क पुटिनं शासन यायेगु लँपू चालिगु जूगु दु ।
 
राष्ट्रपति पुटिनया कार्यकाल ताहाक यायेत रुसं थगुने हे संविधान संशोधन याःगु खः । न्हूगु कानुनी व्यवस्थालिसें ६८ दँया राष्ट्रपति पुटिनं रुसय् ८३ दँया वैंशतक्क रुसया नेतृत्व यानादी ।
 
४क्वःखुसिइ राष्ट्रपति जुयादीम्ह पुटिनया थ्व निगूगु कार्यकाल खः । फ्रान्सय् थगुने विपक्षीपिन्सं पेन्सन सुधारया माग तया आन्दोलन तकं याःगु खः ।
 
तर राष्ट्रपति पुटिनं उगु माग सम्बोधन यायेत कानुन संशोधन जुइधुकुगु धयावयादीगु दु ।
Categorized in अन्तर्राष्ट्रिय