सामाजिक संञ्जालय् प्रतिकार यायेत जातीय खलःपुचःयात मेयर महर्जनया इनाप
लहानान्युज | चौलागा चतुर्दशी ११४१,बैसाख २७ मंगलवाः
यल महानगरपालिकाया मेयर चिरिबाबु महर्जनं सामाजिक संञ्जालय् पिहावंगु खँय् प्रतिकार यायेत इनाप यानादीगु दु।
बुगंद्यःया थुगु दँय् रथयात्राया विषय जुुगु छलफल यायेत ज्यापू समाजया संयोजनय् जूगु सरोकारवालाया भेलाय् अथे इनाप यानादीगु खः। प्रतिकार गज्यागु रूप व छु कथंया खः व धासा वयकलं धयादीगु मदु। थन छु न छुं तत्व म्हिता च्वंगु दु ।
उगु म्हिता च्वंगु तत्वं आः सामाजिक संञ्जाल प्रयोग याना अथे म्हितफु। वयकलं धयादीगु दु, फेसबुक, ट्विटर वा मेगु छु न सामाजिक संञ्जाल थथे म्हितल धाःसा उकियात प्रतिकार यायेत मेयर महर्जनं सिडियो कार्यालय, प्रहरी कार्यालय व १९ गु जातीय समाज नाप खलःपुचःया नां हे तोके याना अथे इनाप यादीगु खः। उगु बैठकं स्थानीय प्रशासन, प्रहरी व गुठी संस्थान, रथयात्रा सम्बद्घ सरोकारपिनिगु प्रतिनिधिया उपस्थिति अथे धयदीगु खः ।
वंगु दँया भदौ १८ गते विहीवाः स्वतःस्फूर्त रथ सालेगु व वया लिपा प्रहरी व स्थानीयपि दथुइ झडपयात मेयर महर्जनं सरोकारवापिन्स रथ सालेगु विषय अनिर्णयया बन्दी जूगु व झीसं याये माल धइगु आशय न फेसबुक, ट्विटरय् पोष्ट जुगु उगु घटनायात न्ह्य ब्बगु खः । मेयर महर्जनं थन छु न छुं तत्व दु धका धयादीसे उगु म्हितिइ तत्वं वंगु दँय् सामाजिक सञ्जाल प्रयोग याना अथे म्हितिगु खः धका धयादीगु खः।
न्हापा न थ थःगु थासं गुकथं फु उकथं ज्यायागु हे खः । तर थुकिया समाचार गन न पिहामवं। तर म्हितिइगु तत्वं थुगु समाजं, खलः पुचः न छु न मया, तसर्थ झीं दनेमाल धका फेसबुक व मेमेगु सामाजिक सञ्जालय् पोष्ट यात। फेसबुकया वाल थुलि भरे जुल, उगु इलय् झीगु गन न ध्यान मवन । उगु घटना घटे जुल ।
उगु झ्वलय् करिब १५ म्ह स्वया अप्वो मनू तयेत छेँ छेँ वना प्रहरीं नियन्त्रणय् कया सार्वजनिक अपराध अन्तर्गत मुद्दा चले यागु खः ।
Categorized in राष्ट्रिय