च्याम्पियन्स लिग फुटबलय् रियाल मड्रिडं एटलान्टायात बुकल, म्यान्चेस्टर सिटीं बुकल बोरुसिया एम्ब्याचयात
सिल्लाथ्व त्रयोदशी ११४१, फागुन १३ बिहीवाः
युरोपियन च्याम्पियन्स लिग फुटबलय् वंगु चान्हय् म्यान्चेस्टर सिटी व रियाल मड्रिड त्यागु दु ।
राउण्ड अफ सिक्सटिन न्हापांगु लेगया कासाय् स्पेनया रियाल मड्रिडं इटालीया एटलान्टायात १–०या गोल अन्तरं बुकल ।
एटलान्टायात उमिगु हे ख्यःलय् बुकेत रियाल मड्रिडया फर्लान्ड मेन्डीं ८६गूगु मिनेटय् निर्णायक गोल याःगु खः ।
वंगु चान्हय् जूगु निगूगु कासाय् इंग्ल्याण्डया म्यान्चेस्टर सिटीं जर्मनीया बोरुसिया एम्ब्याचयात २–०या गोल अन्तरं बुकल ।
सिटीया नितिं बर्नार्डो सिल्भा व ग्याब्रियल जिससं छगू छगू गोल याःगु खः ।
लिपांगु ई तसकं बाँलाःगु फर्मय् दूगु म्यान्चेस्टर सिटीया थ्व मदिक्क १९गूगु ं जित खः ।
वंगु चान्हय् कासालिपा युएफा च्याम्पियन्स लिग फुटबलया राउण्ड अफ सिक्सटिन अन्तर्गत न्हापांगु लेगया फुक्क ८गू कासा क्वचागु दु ।
निगूगु लेगया कासा मार्च १० तारिख निसें न्ह्याइगु जूगु दु ।
Categorized in कासा
