ला लिगा फुटबलय् साविक विजेता रियल मड्रिडया सहज जित, भ्यालेन्सिया २गू शुन्यं पराजित
सिल्लाथ्व चतुर्थी ११४१, फागुन ३ सोमवाः
स्पेनिस ला लिगा फुटबलय् साविक त्याकुमि रियल मड्रिडं अपुक त्याकुगु दु । वंगु चान्हय् जूगु कासाय् रियलं भ्यालेन्सियायात २गू शुन्यया गोल अन्तरं बु्कुगु खः ।
घरेलु ख्यःलय् रियलयात त्याकेत करिम बेन्जिमा व टोनी क्रुसं छगू छगू गोल याःगु खः । भ्यालेन्सियायात त्याकुगु नापं रियल लिगया निगूगु थासय् थ्यंगु दु ।
रियलं २३गू कासाय् ४९गू ल्याः मुंगु दु । तर, रियल शीर्ष थाय्या एट्लेटिको मड्रिड सिवें अझं ५ गू ल्याःखं लिउने दु । भ्यालेन्सिया २४ गू ल्याः मुना १२गूगु थासय् दु ।
ला लिगा अन्तर्गत हे रियल सोसीडाडं गेटाफेयात १ शुन्यया गोल अन्तरं बुकुगु दु ।
Categorized in कासा
