२०८० चैत्र १६, शुक्रबार

दुर्लभ रेड पाण्डाया छेंगूलिसें ३म्हेसित ज्वन

चिल्लाथ्व एकादशी, ११४१, चैत्र १२ विहीबाः

हिमाली जिल्ला सोलुखुम्बुइ रेडपाण्डाया ७गू छ्यंगु नापं ३म्हसित ज्वंगु दु । मकालु बरुण राष्ट्रिय निकुञ्ज मध्वर्ती क्षेत्र बफर जोन दुने दुर्लभ बन्यजन्तु रेड पाण्डा शिकार याइपिं महाकुलुङ गाउँपालिकाया ३म्हसित प्रहरीं नियन्त्रणय् कया सार्वजनिक याःगु खः ।
 
जिल्ला प्रहरी ज्याकुपाखें खटे जूगु प्रहरी निरीक्षक मन्दिप चौहानया टोलीं महाकुलुङ २ च्वनिम्ह ७६ दँया जगतबहादुर राई, वडा नम्बर ३ च्वनिम्ह ५७ दँया मितुरधन राई व ५६ दँया कविर शंखर राईयात उमिगु छेँ नं हे ज्वंगु खः ।
 
अभियुक्ततयेपाखें रेड पाण्डाया ७गू छ्यंगु व रेड पाण्डा स्यायेत छ्यलिगु ५गू थान पासो बरामद जुगु प्रहरीं न्ह्यथंगु दु । उमित कानुनी कारबाहीया नितिं मकालु बरुण राष्ट्रिय निकुञ्ज छ्वइगु प्रहरी नायब उपरीक्षक कवित कटुवालं जानकारी बियादील ।
 
रेडपाण्डाया चोरी शिकारी व तस्करीइ तःधंगु हे गिरोह दुथ्यागु व चीन अले बर्मा तक्क तस्करी जुइगु याःगु तथ्य लूगु नं डिएसपि कटवालं धयादील । अभियुक्ततयेत राष्ट्रिय निकुन्ज व बन्यजन्तु संरक्षण ऐन २०२९ या दफा २६ या १ कथं ५गू लख तका निसें १०गू लख तकातक्क जरिवाना वा ५ दँ निसें १५ दँ तक्क कैद वा निगुलिं सजाय जुइफइ ।
Categorized in अपराध