रुस व अमेरिका दथुइ शीर्ष तहस हे वाकयुद्ध न्ह्यात
चौलाथ्व षष्ठी ११४१, चैत्र ६ शुक्रवाः
रुस व अमेरिका दथुइ शीर्ष तहस हे वाकयुद्ध न्ह्यागु दु । गुप्तचर निकायं छुं दिं न्ह्यः प्रतिवदेन सार्वजनिक यायेधुंका उगु देय्या राष्ट्रप्रमुखं छखेरं मेखेरंयात द्वपं बिइगु न्ह्याकुगु खः ।
उगु प्रतिवदेनं थगुनेया राष्ट्रपतिय निर्वाचनय् रुसं तत्कालीन राष्ट्रपति डोनाल्ड ट्रम्पया समर्थन याःगु दावी याःगु खः । निर्वाचनया लिपांगु लिच्वः घोषणा जुइन्ह्यःतक्क जो वाइडेनविरुद्ध प्रचारबाजी याःगु प्रतिवदेनय् उल्लेख दु ।
उगु निर्वाचनय् रुसं अमेरिकायात हस्तक्षेप याःगु धका छचाखेरं आलोचना जूगु खः । अमेरिकी राष्ट्रपति बाइडेनं छगू टेलिभिजन अन्तर्वार्ताय् रुसी समकक्षीयात थी थी द्वपं बिइधुंका रुसं उकिया प्रतिकार याःगु खः ।
अन्तर्वार्ताया झ्वलय् बाइडेनं पुटिनयात विपक्षी नेता अलेक्स नवाल्नी व मेपिं प्रतिद्वन्द्वी नेतातय्त अमानविय व्यवहार याःगु द्वपं बियादीगु दु । वयेकलं रसियां अमेरिकालिसेया स्वापू भिंकेमाःगु नं धयादीगु दु ।
थुखे लिसःलय् पुटिनं उच्च तहया मनूया धापूतिं ब्वलंकिगु परीणामया सामना थःपिन्सं हे यायेमाःगु धका तथ्यहीन विषयस प्रचारबाजी मयायेत ख्याच्वः नं बियादीगु दु ।
बाइडेनया धापूप्रति रसियाया सांसदपिन्सं तकं आपत्ति न्ह्यथना रुसलिसे स्वापू भिंकेत मनंमतुंगु टिप्पणी याःगु दु ।
Categorized in अन्तर्राष्ट्रिय
