सहिद स्मारक ‘बी’ डिभिजन लिग फुटबलय् थौं निगू कासा
सिल्लाथ्व त्रयोदशी ११४१, फागुन १३ बिहीवाः
सहिद स्मारक ‘बी’ डिभिजन लिग फुटबलय् थौं निगू कासा जुइ ।
एन्फा कम्प्लेक्स सातदोबाटोय् न्हिने १२ ता ई जुया १५ गू मिनेटय् रानीपोखरी कर्नर टिम व नयाँ बस्ती युवा क्लब दथुइ कासा जुइ ।
अथेहे न्हिने ३ ता त्या इलय् जुइगु निगूगु कासाय् झम्सिखेल युथ क्लब व बोइज् युनियन क्लब दथुइ धेंधेंबल्ला जुइ ।
थ्वयान्ह्यः म्हिगःया कासाय् बाँसबारी क्लब व श्रीकुमारी क्लब त्यागु खः ।
बाँसबारीं टुसालयात ३–१गूया गोल अन्तरं व श्री कुमारी क्लबं श्री भगवती क्लबयात ४–१गूया गोल अन्तरं बुकुगु खः ।
Categorized in कासा
