२०७७ माघ १२, सोमबार

प्रतिनिधि सभा पुनःस्थापनाया विकल्प मदु : नेता भुसाल

लहनान्युज | थिंंलागा अष्टमी ११४१, बुधवाः २२ गते

नेपाल कम्युनिष्ट पार्टी (नेकपा)या स्थायी समिति सदस्य घनश्याम भुसालं प्रतिनिधि सभा विघटन सम्बन्धी मुद्दाय् सर्वोच्च अदालतं छाय् लिबाका च्वंगु धका न्ह्यसः तयादीगु दु।

प्रतिनिधि सभा विघटनया मुद्दा न्हापांहे असंवैधानिक व बदरभागी जुल न अदालतं ढिला याना च्वःगु धका अदालतयात न्ह्यसं तयादीगु खः। ‘प्रधानमन्त्री व राष्ट्रपतिया निर्णय संविधानया बर्खिलाप खः, लोकतन्त्र, वामपन्थ, समाजवादविरुद्धया प्रतिगामी व सर्वसत्तावादी पलाः खः तर अदालतं छाय् ढिला याना च्वन?’ संविधान, संघीय लोकतान्त्रिक गणतन्त्र लगायतया आन्दोलनपाखे वःगु उपलब्धी रक्षाया लागि प्रतिनिधि सभा पुनःस्थापनाया विकल्प मदु धका नेता भुसालं प्रतिनिधि सभा पुनःस्थापना मजुसा देय् अस्थिरता व अराजकताय् बामलाक्क फसे जुइ धका धयादीगु खः।

उगु अन्तरक्रियाय् पूर्वसभासद विनोद पहाडी, नेपाल पत्रकार महासंघया केन्द्रीय सदस्य बसन्त गिरी, पत्रकार बालकृष्ण चापागाई, तिलोत्तमा नगरपालिकाया मेयर बासुदेव घिमिरे, नेकपा रुपन्देहीया सचिव निर्मल जीसी, युवा संघया नेता राजु गुरुङ, लुम्बिनी प्रेस क्लबया अध्यक्ष नरेश केसी, पत्रकार महासंघ रुपन्देहीया सहसचिव कमल रायमाझीपिन्स संसद विघटन असंवैधानिक व प्रतिगामी खः धासे पुनःस्थापनाया लागि सशक्त आन्दोलनय् वनेमाः धका धयादीगु खः।

Categorized in राजनीति