थुगुसीया ‘सत्यमोहन जोशी शताब्दी पदक’ पाखें लहनान्यूज डट कमया प्रधान सम्पादक नृपेन्द्रलाल श्रेष्ठ सम्मानित जुइगु जूगु दु ।

त्रिमूर्ति निकेतनं जारी याःगु सुचं कथं सम्मानित जुइपिं थप १४ म्हमध्ये लहनान्यूजया सम्पादक श्रेष्ठ नं सम्मानित जुइत्यंगु दु ।

श्रेष्ठलिसें नेवाः पत्रकारिता ख्यलय् सक्रिय मेपिं स्वम्ह पत्रकार नं उगु पदकपाखें सम्मानित जुइत्यंगु दु ।

उगु पदकपाखें लहना वाःपौया कार्यकारी सम्पादक सुरेन्द्रभक्त श्रेष्ठ नं सम्मानित जुइत्यंगु दुसा राष्ट्रिय प्रसारणय् दक्कले न्हापांम्ह टेलिभिजन ज्याझ्वः न्ह्याकामि बिराजकाजी राजोपाध्याययात नं पदक लःल्हाइगु जूगु दु । अथे हे, नेवाः पत्रकार राष्ट्रिय दबूया मू छ्यान्जे अले नेपाल समाचारपत्रकर्मी सुनिल महर्जन नं पदकपाखें सम्मानित जुइगु जूगु दु ।

अथे हे, शिक्षा तथा विज्ञान प्रविधिमन्त्री कृष्णगाेपाल श्रेष्ठ व उद्याेगपति वसन्त चाैधरी नं थुगुसी पदकपाखें सम्मानित जुइत्यंगु दु ।

त्रिमूर्ति निकेतनं थ्वयां न्ह्यः नं पदकपाखें सम्मानित जुइपिं २९ म्हेसिया नां सार्वजनिक यायेधुंकूगु दु । थुगु पदकपाखें आःतक्क २५ राष्ट्रया २५५म्ह सम्मानित जुइधुंकूगु दु ।

Categorized in राष्ट्रिय