२०८० चैत्र १६, शुक्रबार

स्कूलचाल, मस्तय्त आखःब्वनेत छ्वय्गु कि मछ्वय्गु ?

बिकास | पोहेलाथ्व सप्तमी ११४१, माघ ७ बुधवाः

नेपालय् कोरोना संक्रमण दुहांवःगु नं दच्छि हे फुतअले लकडाउनया दिं नं दच्छि दइन ।

२०७६ चैत्र ११ गते लकडाउन जुइन्ह्यः हे थनया स्कूलकलेजतबन्दजूगु खः । व ल्याखं थन स्कूलकलेज बन्दजूगु दच्छि दु मदु जुइधुंकूगु अवस्थाखत । थुकियादथुइआपालं खँतवल ।दथुइ स्कूलचाय्केगु खँवल । गुलिखे जिल्लाय् ला छुं ई स्कूल चा नं चाल । तर मस्तय्के कोरोना संक्रमण खनेदय्धुंकाःहाकनं बन्दयाय्माःगु स्थिती नं वल । थथे हे धाधां लकडाउन सिधल, निषेधाज्ञा सिधल । थीथी सेवात सुचारु जुजुं वन ।

यल महानगरपालिकाय् लाथ्वयां न्ह्यः हे स्कूलचाय्केत अनुमतिबीधुंकूगु खः । आःवयाःयेँमहानगरपालिकाय् नं स्कूलचाय्केदत । वंगु माघ १गतेनिसें स्कूलचाय्केत अनुमतिदय्धुंकल । तर आवश्यक स्वास्थ्य मापदण्ड पूवंकेमाःगु शर्त लादुगु हे जुुल । तर थुकियातशर्त स्वयां अपरिहार्य आवश्यकताकथं हे काय्माःगु खनेदु । दच्छि दय्धुंकल मस्त छेँय् हे दु । खतुं अनलाइनक्लास मजूगु मखु । तर अनलाइनक्लास गुलितप्रभावकारी झीसं स्वय्धुन । उकीसनं नेपाःया मत व इन्टरनेटया समस्या । गबले वइ, गबले वनीधाय् हे फुगु मखु ।अज्याःगु अवस्थाय् मस्तय्गु पढाई स्यनीगु जक मखु, स्यनावंगु झीसं हे खनाच्वनागु दु ।

स्कूलपक्ष भचा अप्वः हे सचेत जुइमाःगु खनेदु । स्कूलचाय्केगु धइगु आखःब्वंकेगु जक मखु, मेपिनि मस्तय्गु जिम्मेवारी नं काय्गु खःधइगु खँ स्कूलन्ह्याकामिपिन्सं नुगलय् दुने हे स्वचाकेमाः । व ल्याखं ल्हाःसिलेगु, स्यानिटाइजरया व्यवस्था, मस्तय्त सामाजिक दुरी कायमयाकेगुलिसे, मास्क, फेस शिल्ड तय्केगुलिसें कक्षा कोथाया निसंक्रमण आदिदक्वं पक्षय् स्कूलपक्षअतिगम्भीर जुइमाःगु अवस्था दु । अभिभावकपिन्संविश्वासय् थः मस्त स्कूल छ्वयाहइबलय् व विश्वास तोडे मजुइगु वातावरण दय्केमाः ।  उकियानापं मस्तय्त छेँय् दुने तयाःपूवंक सुरक्षितजूगु नं मदु । बरु अःखतं परिस्थितीलिसे ल्वाय्गु मखु, बिस्युं वनेगु जकं झीसं स्यनाच्वनाला?थ्व नं बिचाःयाय्माःगु पक्षखः ।

बरु अभिभावकपिन्सं मस्तय्त स्वास्थ्य सुरक्षायाउपायत स्यनाबीगु, सचेत दय्केगु ज्या याय्माःगु खनेदु । आःयानितिं लाझीके परिस्थितीलिसे ल्वाय्गु नं अप्वः मेगु उपाय खनेमदु । दक्वं ज्याखँ ठप्प यानाः लकडाउन यानाःछेँय् च्वनेफइगु अवस्थामदय्धुंकल । उकियानापं फक्व सावधानीनालाःथःगु आर्थिक क्रियाकलापन्ह्याकावनेगु व बुलुहुँ सामान्यजीवनय् लिहांवनेगु नितिं तयार जुइमाः । उलिजक मखु, थ्व हे खँथः मस्तय्त नं स्यनेमाः । थः मस्तय्त परिस्थितीखनां बिस्युंवनेगु मखु, ल्वाय्गु स्यने ।