स्वनिगःया ब्वनेकुथिइ पठनपाठन न्ह्यात
राम डंगोल | पोहेलाथ्व चौथी ११४१, माघ ४ आइतवाः
कोरोना महामारीया हुनिं वंगु १०ला निसें बन्द दूगु स्वनिगःया ब्वनेकु थांै निसें चालः ।
स्थानीय तगिंमं ब्वनेकु चायेकेत अनुमति बिइधुंका थौनिसें स्वनिगःया अप्वः धैथें ब्वनेकु चा:गु ख: ।
छुं ब्वनेकथिं असारनिसें हे अनलाइन कक्षा न्ह्याकुगु खःसा छुं छुं नं असोजनिसें हे भौतिक कथं हे पठनपाठन न्ह्याकेधुंकुगु दु ।
संक्रमणया जोखिम कायम हे दूगुलिं सुरक्षा मापदण्ड नाला हे पठनपाठन न्ह्याकेगु ब्वनेकुतयेसं न्ह्यथंगु दु ।
छुं ब्वनेकुथिं २ गू सिफ्टय् वा पालंपाः ब्वंकेगु तयारी तकं याःगु दु । स्वनिगः पिनेया धाःसा अप्वः धैथें ब्वनेकु थ्वया न्ह्यः हे संचालनय् वयेधुंकुगु दु ।
स्वनिगःया स्थानीय तगिंमं ब्वंकामि व ब्वंमियात अनिवार्य कथं मास्क छ्येलेत निर्देशन बिउगु दु । कोरोना संक्रमणया जोखिम अप्वयेधुंका थगुनेया चैतया न्हापांगु वालंनिसें देय्यंकया ब्वनेकु बन्द जूगु खः ।
Categorized in राष्ट्रिय
