बंगलादेशया प्रधानमन्त्री शेख हसिनाया हत्याया कुतः याःपिं १४म्हसित मृत्युदण्डया सजायँ
चिल्लाथ्व दशमी, ११४१, चैत्र ११ बुधबाः
बंगलादेशया प्रधानमन्त्री शेख हसिनायात हत्याया प्रयास याःपिं १४म्ह इस्लामिक चरमपन्थी लडाकुपिन्त बंगलादेशया अदालतं मृत्युदण्डया पैmसला न्यंकूगु दु ।
बंगलादेशया विशेष अदालतं उगु सजाय न्यंकूगु १४म्ह मध्ये गुम्ह आः बंगलादेशया जेलय् हे दु धाःसा न्याम्ह बिस्यूंवनाच्वंगु दु । विशेष अदालतं न्यायाधीश अबु अब्दुल्लाह भुइल्यानं उपिं १४म्हेसित हे राजद्रोह व आपराधिक गतिविधिया मुद्दाय् दोषी ठहर याःगु खः । उपिं दक्वं हर्कत उल जिहाद अल इस्लामि संगठनया लडाकू त जूगु न्यायाधीशं धयादिल ।
सन् २००० य् हसिनाया हत्याया कुतःलय् छगू बम आक्रमण जूगु खः । हसिनां हःगु धर्मनिरपेक्षताया नीतिया विरोधय् इस्लामिक कट्टरपन्थी पुचलं हसिनाया हत्याया कुतः याःगु खः ।
चरमपन्थी संगठनं हसिनां भाषण याइगु कलेजय् निग बम तःगु खः । सुरक्षाकःमिपिन्के दूगु डिभाइसं उगु बम लुइका निस्क्रिय याःगु खः । सन् २०१८ य् हसिनाया पार्टी अवामी लिगं बंगलादेशया आम निर्वाचन जित हासिल याना हसिना प्रधानमन्त्रीया प्यंगूगु कार्यकाल न्ह्याकाच्वंगु दु ।
