श्रीघःबहाःया श्रीशान्तिघट बज्रधातु चैत्य महाविहार संरक्षण समितिइ शुभकाजी शाक्ययात सर्वसम्मतं अधक्ष्य ल्यःगु दु ।

सर्वसम्मतया जूगु न्हूगु ज्यासना पुचलय् न्वकु कमलरत्न शाक्य, छ्यान्जे पुरण शाक्य, दाँभरीं सर्वज्ञरत्न शाक्य, लिउ दाँभरीं रबिन्द्र शाक्य व लिउ छ्यान्जे गुलाफरत्न शाक्ययात ल्यःगु दु। अथेहे दुजलय् अष्टरत्न शाक्य, रिता शाक्य, दिनेश बहादुर शाक्य, सुरेशकाजी शाक्य , सुरेश शाक्य व आमन्त्रित दुजः कथं दिलहेरा शाक्य व रसना शाक्ययात सर्वसम्मतं ल्यःगु खः ।

उगु तःमुन्ज्यां ल्याय्म्ह पुस्तायात नं धार्मिक , संस्कृति व परम्परागत ज्याय् सकृय याना यंकेगु तातुना संरक्षण समितिया ल्याय्म्ह कवः नं निस्वंगु दु । उगु ल्याय्म्ह कवलय् उपेन्द्र शाक्य, अतुल शाक्य, सुमन शाक्य, प्रवीणमान शाक्य, कल्याणरत्न शाक्य व राजन शाक्ययात ल्यःगु दुसाः संरक्षण समितीया सन्चार संयोजक कथं विजयरत्न असंबरेयात ल्यःगु दु ।

प्यक्वःगु साधारण सभा व तःमुन्ज्याय् उगु विहार सर्वसंघया थुगुसिइ एसइइ पास जूपिं अभ्युदय शाक्य व प्रणय शाक्ययात भिन्तुना देछासे सम्मान नं याःगु खः । अथेहेतुं शनिबार जूगु साधारण सभाय् ज्यासना पुचःया दुजः सुरेशकाजी शाक्यं लसकुस यासे ज्याझ्वः न्ह्याकुगु खःसा छ्यान्जे पुरण शाक्यं वंगु दँया प्रतिवेदन व वइगु दँया कार्य योजना न्ह्यब्वःगु खःसा दाँभरीं कमलरत्न शाक्यं आर्थिक प्रतिवेदन न्ह्यब्वःगु खः ।

Categorized in राष्ट्रिय