जसपा येँ जिल्ला अध्यक्ष श्याम प्रजापतियात मां लक्ष्मी प्रजापति मन्त ।

वयकः थौं सुथय् ३ताः इलय् हृदयघात जुयाः छेँय् हे मदुगु खः । वयकःया थांैं सुथय् उसाँय् अवस्था स्यनावंगु खनेदयाः वासः यायेत शहिद गंगालाल राष्ट्रिय हृदय रोग केन्द्रय् यंकूगु खःसा अन चिकित्सकं वय्कः मदय धुंकूगु घोषणा याःगु खः । वय्कःयात वंगु निदँ न्ह्यःनिसें नुगः सम्वन्धि समस्या जुयाच्वंगु दुगु खः ।

मदुम्ह प्रजापतिया थौं हे येँया लुतिइ अन्त्येष्टि याःगु दु । मदुम्हेसित वय्कःया काय् श्यामकृष्ण प्रजापतिं मि तयादीगु खः ।

६०दँ दुम्ह प्रजापतिया छम्ह काय् श्यामकृष्ण व म्ह्याय् छम्ह दु ।

Categorized in राष्ट्रिय