२०८० चैत्र १६, शुक्रबार

सीता दाहालयात उपचार यायेत मुम्बई यकल

लहनान्युज | थिंंलागा षष्ठी ११४१, सोमवाः २० गते

नेकपा अध्यक्ष पुष्पकमल दाहाल ‘प्रचण्ड’ जहान सीता दाहालयात थप उपचार यायेत थौं भारतया मुम्बईपाखे यकूगु दु।

नेपाल एयरलाइन्स नं थौं सुथय् ११ बजे उडानपाखे दाहालयात मुम्बई यकूगु खः। सीतानाप अध्यक्ष प्रचण्ड व म्ह्याय् गंगा दाहाल न मुम्बईपाखे वःगु खः । सीताया उपचार न्यूरोजेन ब्रेन एण्ड स्पाइन इन्सटिच्युटय् जुइ त्यःगु खः। वयात अस्पतालया डाइरेक्टर नाप कन्सलट्यान्ट न्यूरो सर्जन डा. आलोक शर्माया टोलीं उपचार याइ धका प्रचण्डया प्रेस सल्लाह विष्णु सापकोटां जानकारी बिःगु खः।

सीता दाहालयात ताः ईनिसे पार्किन्सनया समस्या खनेदुगु खः। वःगु इलय् भैसेपाटीया मेडिसिटी अस्पतालय् उपचार यासे छेँय् आराम याना वयाच्वम्ह दाहालयात थौं सोमवाः मुम्बईलय् यकूगु खः।

Categorized in राष्ट्रिय