२०७८ बैशाख १, बुधबार

सोमालियाय् बम बिस्फोटय् ५म्ह सीत

चिल्लागा सप्तमी ११४१, चैत्र २२ गते आइतबाः

अफ्रिकी देय् सोमालियाय् आत्मघाती बम मूबलय् ५म्ह सर्वसाधारण सीगु दु । राजधानी मोगादिशुइ दूगु छगू चिया पसःलय् आत्मघाती बम नापं दुहाँवःम्ह मनूखं बिस्फोट याःगु सोमालियाया अधिकारीपिन्सं न्ह्यथंगु दु ।
 
घटनाय् बिस्फोट याम्ह मनू, ४म्ह ल्याम्ह व छम्ह मिसा मचा सीगु खः । बिस्फोटक पदार्थ लिसें दुहाँवःम्ह उम्ह मनूखं चिया पसःलय् चिया त्वनेधुंका आत्मघाती बिस्फोट याःगु धाःगु दु ।
 
घटना लिपा चिया पसःलय् दूपिं दथुइ भागदौड जूगु खः । घटनाया भाला आःतक्क सुनांनं काःगु मदुनि ।
Categorized in अन्तर्राष्ट्रिय