तामाङ व शेर्पा समुदायपिनिगु ल्होसार
लहनान्युज | सिल्लाथ्व पारु ११४१, फागुन माघ ३० शुक्रवाः
थौं तामाङ समुदाय व हिमाली आदिवासी समुदायं सोनाम ल्होसार व ग्याल्बो ल्होसार नखः हनाच्वंगु दु ।
तमाङ समुदायं मञ्जुश्री संबत् २८५७ सोनाम ल्होसार व हिमाली आदिवासी शेर्पा समुदायं २१४८ ग्लाल्बो ल्होसार हनाच्वंगु दु । छुं, सा, धुुँु, खराचा, ड्रागन (मेघ), सर्प, घोडा, फै, माकः, चखुँ, खिचा व फा याना १२गू वर्गय् सोनाम ल्होसारयात ब्वथगु दु ।
ल्होसारया १२ गू दँ पशुपक्षीया नामं गणना याःगुलिं तामाङ समुदाययात प्रकृतिपूजक नालेगु याः । निगुलिं ल्होसारया नखःया लसताय् राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री केपी शर्मा ओली, सभामुख अग्नीप्रसाद सापकोटा, नेपाली काँग्रेसया सभापति शेरबहादुर देउवा लिसेया पिन्सं भिन्तुनादीगु दु ।
राष्ट्रपति भण्डारीं बियादीगु भिन्तुना हसनाय् देय् दुने पिने दूपिं सकसिया सुख, शान्ति व समृद्धिया नितिं भिन्तुनादीगु दु । विविधतापूर्ण संस्कृति नेपाःया मौलिक म्हसिका व अमूल्य सम्पदा खः धका राष्ट्रपति भण्डारीं विविधताया एकताय् गर्व यायेगु लिधंसा झीत थुपिं नखःचखःलं बिउगु धयादीगु दु ।
Categorized in राष्ट्रिय
