२०८० चैत्र १६, शुक्रबार

सामाजिक सञ्जालं लखौं ध्येबाः ठगी याम्हेसित प्रहरीं ज्वन

सिल्लाथ्व षष्ठी ११४१, फागुन ६ बिहीवाः

सामाजिक सञ्जालं लखौं ध्येबाः ठगी याम्ह छम्हेसित प्रहरीं ज्वंगु दु ।
बेलायती नागरिक डाक्टर माईकल अलवर्ट नां तया सामाजिक सञ्जाल फेसबुक, ह्वाट्सअप पाखें स्वापू तयेगु व ठगी याम्हेसित प्रहरी ज्वंगु खः ।
अनुसन्धानया झ्वलय् उगु नां याम्ह पर्वत जिल्ला तक्लाक छेँ जुया आः येँया टोखाय् च्वनाच्वम्ह ४५ दँया हरिप्रसाद बस्याल जूगु प्रहरी धाःगु दु ।
बस्यां भारतं पिडितपिन्त स्वापू तया बेलायतपाखें वःगु पार्सल सामानया भन्सार छुट यायेगु ध्येबा काःगु द्वपं दु । पीडितं थीथी मनुया नांया खाताय् १०गू लखः ७०द्वः जम्मा याकूगु व ५गू लखः २०द्व ध्येबाः गोंगबु बसपार्कया कालीगण्डकी गेष्टहाउसय् नापालाना काःगु पीडित धाल ।
पीडितया निबेदनया लिधंसाय् प्रहरीं ठगी याम्हसित ज्वना अनुसन्धान न्ह्याकाच्वनागु केन्द्रीय अनुसन्धान ब्युरोया प्रबक्ता प्रहरी उपरीक्षक गङ्गा पन्तं धयादिल । 
 
Categorized in अपराध