सूकीयात अवैध कथं लुँ व ध्येबा स्वीकार याःगु द्वपं
सिल्लागा त्रयोदशी ११४१, फागुन २७ विहीबाः
म्यानमारया सैन्य सरकारं अपदस्त नेतृ आङ साङ सूचीयात अवैध कथं खुगु लखः अमेरिकी डलर व छुं लुँ स्वीकार याःगु द्वपं बिउगु दु ।
म्यानर सेना सूचीयात बिउगु उगु द्वपं आःतकया हे दकले तःधंगु द्वपं धाःगु दु । सेनां उगु सूचंयात पुष्टि तकं याःगु दु कि उगु ध्येबा व लुं सूचीं काःगु धका ।
फ्रबुअरी १ य् सैनिक ‘कू’ याना सूकी व म्यान्मारया निर्वाचित नेतृत्वयात क्वथलेधुंका सुकीयात उगु द्वपं तःगु खः । तर उगु द्वपं प्रमाणित जुइगु प्रमाण धाःसा सेना न्ह्यब्वःगु मदुनि । सेना सूकीयात अज्ञात थासय् तयातःगु धाःगु दु ।
सूकीयात रेडियो उपकरण तःगु, कोभिड कजय् कायेत तःगु प्रतबन्धात्मक नियम भंग याःगु व नागरिकपिन्त डर, त्रास न्यंकूगु द्वपं तकं बिउगु दु ।
म्यानमारय् सैनिक कूया विरोधय् ब्वज्या जुयाहे च्वंगु दु । विहीबा जक म्होति नं न्हेम्ह सीगु दु धासा सीपिनिगु ल्याः ६०म्ह थ्यंगु दु ।
